Паважанае спадарства 2 сакавіка а 13 гадзіне Беларускі Дзяржаўны музей народнай архітэктуры і побыту запрашае Вас на сапраўдную беларускую Масленіцу. Вас чакаюць гульні і забавы, народныя спевы і танцы, катанне на конях і гушканне на арэлях, кірмашовы тэатр, нават катанне з горкі на санях пры наяўнасці снега, а таксама гарачыя, духмяныя блінцы! Музей аб’яўляе конкурс для дзяцей на лепшую масленічную ляльку! Зацікавіліся? Даведкі Вы можаце атрымаць па тэлефонах: (017) 209-41-63 (017) 507-69-37 праграма: народныя, абрадавыя песні, карагоды вакол вогнішча ў выкананні гуртоў нацыянальнага цэнтра мастацкай творчасці дзяцей і моладзі “Верас”, “Гронка”, этнафанічнай суполкі БДУ культуры і мастацтваў, фальклорнага гурта “Цешча”

• прадстаўленне народнага літаратурнага тэатра “Жывое слова”, персанажаў народнай міфалогіі ў музейных сядзібах
• паказ спектакляў у народным тэатры “Батлейка”
• гульні бабкі Параскі, забавы ля масленічнага слупа катанне на конях і гушканне на арэлях, нават катанне з горкі на санях пры наяўнасці ў музеі снега
• дзіцячы конкурс на лепшую масленічную ляльку, упершыню абвешчаны музеем на свята Масленіца. Матэрыял і памеры лялек залежаць толькі ад фантазіі творцаў. Усе лялькі будуць выстаўлены ў адным з помнікаў музея для знаёмства з імі нашых наведвальнікаў. Аўтараў лепшых чакаюць прызы
• магічны карагод і рытуальнае спальванне пудзіла Марэны. Калі Вы хочаце пазбавіцца ад старых праблем і турбот - прыносьце старыя рэчы, якія можна спаліць на вогнішчы

На працягу свята ў музее можна будзе пакаштаваць гарачых духмяных блінцоў – сімвала свята!